Werzişvanê 20 salî yê Kurd Arian Salimi, ji bajarê Kirmaşanê yê Rojhilatê Kurdistanê, di Lîstikên Olîmpîk ên Havînê yên Parîs 2024’an de di kategoriya tekvandoyê ya +80 kîloyî de medalyaya zêrîn bi dest xist.
Li Lîstikên Olîmpîk ên Havînê yên Parîs 2024’an, werzişvanê Kurd Arian Salimi ji bajarê Kirmaşanê yê Kurdistana îranê, di pêşbaziya dawî ya tekvandoyê ya beşa +80 kîloyî de, li hember pêşbazvanê Brîtanyayî Caden Cunningham bi encama 2-1 bi ser ket û medalyaya zêrîn bi dest xist. Salimi, di temenê 20 salî de bû yekem werzişvanê ciwan ê Îranê ku di Olîmpîkê de zêr bi dest xist.
Arian Salimi di rêya serkeftina xwe de, di qonaxa nîv-dawî de tekvandovanê Kroatî Ivan Šapina yê ku berê bûbû qehremanê cîhanê, bi encama 2-1 têk bir. Di pêşbaziya dawî de, Salimi destpêkê li paş ma lê di du raundên dawî yên bi heyecan de, bi taktîkên xwe yên jîr bi ser ket. Rafael Alba ji Kubayê û Cheick Salah Cisse ji Fîla Diranê jî xelata bironzê bi dest xistin.
Serokkomarê Îranê Mesûd Pezişkiyan pîrozbahî li Salimi kir û got: “Kurê me yê hêja Arian Salimi, zêra te ya bi hêz westana me ji laşên me derxist. Ciwanê yekem ê Îranê di Olîmpîkê de, te bi medalyayeke xweşik dilê gel bi dest xist, her tim serbilind bî.” Salimi berê di Lîstikên Asyayê yên 2024’an de di kategoriya 87 kîloyî de zêr û di ya 2022’yan de zîv bi dest xistibû. Herwiha di sala 2022’yan de di Pêşbaziya Mezin a Cîhanê ya Tekvandoyê de zêr û di Qehremaniya Cîhanê ya Tekvandoyê ya 2023’yan de li Bakuyê bironz bi dest xistibû.
Di vê olîmpîkê de, tîma tekvandoyê ya Îranê sê medalyayên din jî bi dest xistin. Mobina Nematzadeh di kategoriya 49 kîloyî de bironz, Nahid Kiani di ya 57 kîloyî de û Mehran Barkhordari di ya 80 kîloyî de zîv bi dest xistin. Bi tevahî, Îranê heta niha di Olîmpîka Parîsê de 10 medalya bi dest xistine: sê zêr, pênc zîv û du bironz.
Arian Salimi di 16’ê Kanûna 2003’yan de li Kirmaşanê hatiye dunyayê û niha li wir dijî. Ew di zimanê farisî de diaxive û mamosteya wî ya neteweyî Majid Aflaki ye. Felsefa wî ya jiyanê ev e: “Her kes tiştekî bi ber dilê xwe ve digire, ez jî serkeftinê bi ber dilê xwe ve digirim.” Salimi di Olîmpîka 2024’an de wek hilgirê ala welatê xwe di merasîma girtina Lîstikên Olîmpîk de hat hilbijartin, ku ev jî nîşana girîngiya wî ya di warê werzişê de ye.
