Serokkomarên Îran û Iraqê hevdîtina xwe bi Kurdî pêk anîn

Serokkomar Mesud Pezeşkiyan ê Îranê û Serokkomar Ebdulletîf Reşîd ê Iraqê li Bexdayê bi Kurdî hevdîtin kirin. Ev cara yekemîn e ku du serokkomarên van welatan bi zimanê Kurdî diaxivin.

Mesud Pezeşkiyan û Ebdulletîf Reşîd

Pezeşkiyan di serdana xwe ya pêşîn a derveyî welêt de çû Bexdayê. Şêwirmendê Serokkomar ê Iraqê Hewre Tewfîq ragihand ku hevdîtina herdu serokkomar bi temamî bi Kurdî pêk hatiye. Pezeşkiyan di daxuyaniya xwe de got ku ew dixwaze pêwendiyên bi Herêma Kurdistanê re jî xurt bike.

Daxwaza komisyoneke pisporan

Serokkomar Pezeşkiyan daxwaz kir ku ji bo bicîhanîna bernameyan di warên aborî, tenduristî, jîngehê û ewlehiyê de komisyonek ji pisporan bê avakirin. Wî diyar kir ku ew dixwaze Herêma Kurdistanê jî di vê bernameya stratejîk de cih bigire. Pezeşkiyan herwiha got ku di ciwaniya xwe de xewn didît ku sînor di navbera welatan de nemînin û pêwendî xurttir bibin.

Serdana Herêma Kurdistanê

Tê payîn ku Pezeşkiyan piştî hevdîtinên xwe yên li Iraqê, serdana Herêma Kurdistanê jî bike. Li gorî Hewre Tewfîq, serdana Pezeşkiyan a ji bo bajarên wekî Besra, Necef û Silêmaniyê nîşan dide ku Îran dixwaze bi hemû beşên Iraqê û Herêma Kurdistanê re dostaniyê ava bike. Ev yek wekî peyameke girîng a siyasî tê nirxandin.

Çavkanî: Rudaw

Bize destek olun

Medyascope sizlerin sayesinde bağımsızlığını koruyor, sizlerin desteğiyle 50’den fazla çalışanı ile, Türkiye ve dünyada olup bitenleri sizlere aktarabiliyor. 

Bilgiye erişim ücretsiz olmalı. Bilgiye erişim eşit olmalı. Haberlerimiz herkese ulaşmalı. Bu yüzden bugün, Medyascope’a destek olmak için doğru zaman. İster az ister çok, her katkınız bizim için çok değerli. Bize destek olun, sizinle güçlenelim.