Dadgeha Cezayê Aştiyê ya 4’an a Îzmîrê biryara qedexekirina pirtûka Gültan Kişanak a bi navê “Rengê Binefşî yê Siyaseta Kurdan” da. Ev biryar li ser daxwaza Serdozgeriya Komarê ya Îzmîrê hate dayîn.
Dadgeha Cezayê Aştiyê ya 4’an a Îzmîrê, li ser daxwaza Serdozgeriya Komarê ya Îzmîrê, biryara qedexekirin û berhevkirina pirtûkên bi navê “Keçên Kobanê” û “Rengê Binefşî yê Siyaseta Kurdan” da. Dozger di daxwaza xwe de anî ziman ku di pirtûkan de propagandaya rêxistinê tê kirin û xwest ku ev pirtûk bên qedexekirin û berhevkirin.
Naveroka pirtûkê
Pirtûka “Rengê Binefşî yê Siyaseta Kurdan” ya ku ji aliyê siyasetmedar Gültan Kişanak ve hatiye nivîsandin, behsa ezmûnên jinên ku di siyaseta herêmî û giştî de cih girtine û paşê hatine binçavkirin dike. Li gorî Kişanak, di pirtûkê de qala pêşketina jinan di siyasetê de, astengiyên li pêşiya wan û ezmûnên jinên ku li hemberî pergala mêrperest serî hildane tê kirin.
Biryara berê ya qedexekirinê hatibû rakirin
Berê jî li ser vê pirtûkê biryara qedexekirin û berhevkirinê hatibû dayîn. Lê belê piştî îtiraza li dijî vê biryarê, biryara qedexekirin û berhevkirina pirtûkê hatibû rakirin.
