Mehmet Tatlı û civaknas û nivîskar Selahattin Gezer bernameya xwe ya Kurdî ya nû “Şivak” dest pê kirin. Bername dê her çarşem bi Kurdî were weşandin. Di beşa yekem a bernameyê de, li ser pêvajoya nû û pêşeroja çanda Kurdî hat axaftin.
Di bernameya “Şivak” a yekem de, civaknas û nivîskar Selahattin Gezer bi edîtorê me Mehmet Tatlı re li ser pêvajoya nû û pêşeroja çanda Kurdî nirxandinên girîng kirin. Di hevpeyvînê de, bandora teknolojiyên nû li ser zimanan û têkiliya wan bi teoriyên neteweyî re hat nîqaşkirin. Gezer, bi taybetî bal kişand ser guherînên di qada civakî de û destnîşan kir ku êdî civak ji komên pirreng pêk tên û têgeha neteweyê ya klasîk guherînên girîng dijî.
Di beşa duyem a hevpeyvînê de, mijara talana hunera Kurdî ya di dema qedexeyan de hat rojevê. Gezer, ji bo wan hunermendên ku di wan salan de berhemên Kurdî wergerandine zimanên din û xwe xwedî li wan derxistine, gotina “dizen malê” bi kar anî. Lêkolîner herwiha li ser derfetên nû yên pêşiya çanda Kurdî û pêwîstiya sazîbûna çandî jî rawestiya û pêşniyarên xwe anîn ziman. Ger pêvajo ser bikeve
Hûn dikarin vê vîdyoyê û gelek tiştên din li kanalê Medyascope yê Youtube’ê temaşe bikin.
