Li gorî nûçeya Munzur Presê û CEGAyê, li navçeya Ürgüpê ya Nevşehirê, komek karkerên ji Amedê rastî êrîşeke tund hatin. Êrîş ji ber ku karkaran cil û bergên Amedsporê li xwe kiribûn pêk hat.
Bûyer şeva borî li gundê Aksalurê yê navçeya Ürgüpê qewimî. 15 karkerên ku 6 meh in li tesîsa enerjiya rojê dixebitin, ji aliyê komeke gundiyan ve hatin dorpêçkirin. Êrîşkeran bi çek, kêr û darên hesinî êrîş kirin.
Êrîşkeran got, “Van kesan cilên terorîstan li xwe kirine” û bi vî awayî êrîş pêk anîn. Di encama êrîşê de sê karker bi giranî birîndar bûn. Yek ji wan bi çekê, yek bi kêrê û yê din jî bi darê hesinî hate birîndarkirin. Çend karkerên din jî birînên sivik standin.
Piştî bûyerê, gelek tîmên cendirmeyan şandin herêmê. Kesek hate binçavkirin û lêpirsîn dest pê kir. Karkerên birîndar jî bo tedawiyê rakirine nexweşxaneyan.
Aziz Elaldî û Sezgin Tanrıkulu: “Ev êrîşa nijadperestî nayê qebûlkirin”
Serokê Amedsporê Aziz Elaldî, di daxuyaniya xwe ya li ser medyaya civakî de êrîş şermezar kir. Elaldî got: “Em bi tundî êrîşa nijadperestî ya li ser alîgirên me li Nevşehirê şermezar dikin. Em daxwaz dikin ku ji aliyê rayedarên têkildar ve li ser berpirsyarên vê êrîşê pêvajoyên qanûnî yên pêwîst bên kirin û dadmendî bê bicihkirin.”
Parlamenterê CHPê yê Amedê Sezgin Tanrıkulu jî li ser mijarê axivî. Wî diyar kir ku ew bi rêveberên mulkî re ketiye têkiliyê û ji nêz ve rewşê dişopîne. Tanrıkulu got: “Nayê qebûlkirin ku cil û bergên Amedsporê û sembola wê bi terorê ve bê girêdan. Qet nayê qebûlkirin ku ev bibe sedema pevçûnekê.” Wî herwiha anî ziman ku piştî êrîşê karker neçar mane ku karê xwe bi cih bihêlin û ev cure alozî dikare bibe sedema cudabûneke civakî li Tirkiyeyê.
Medyascope'u destekle. Medyascope'a abone ol.
Medyascope’u senin desteğin ayakta tutuyor. Hiçbir patronun, siyasi çıkarın güdümünde değiliz; hangi haberi yapacağımıza biz karar veriyoruz. Tıklanma uğruna değil, kamu yararına çalışıyoruz. Bağımsız gazeteciliğin sürmesi, sitenin açık kalması ve herkesin doğru bilgiye erişebilmesi senin desteğinle mümkün.
Tanrıkulu diyar kir ku nûçeyên çewt ên derbarê bûyerê de bi mudaxeleyên wan hatine rakirin û karkerên ku rastî êrîşê hatine, hatine berdan. Wî got divê Amedspor li seranserê Tirkiyeyê rastî êrîşên bi vî rengî neyê û bang kir: “Divê em hemû bi hev re bixebitin.”
Lêpirsîna fermî ya derbarê bûyerê de berdewam dike.
Çavkanî: CEGA, Munzur Press
