Amedspor, yek ji tîmên nû yên Trendyol 1. Lîgê, lîstikvanê navdar ê 23 salî yê defansa navîn Yohan Cassubie, ku ji tîma fransî Girondins Bordeaux veqetiyaye, anî nav rêzên xwe.
Di daxuyaniya kulübê de hat gotin: “Yohan Cassubie, lîstikvanê navîna qadê ku berê forma Bordeaux li xwe dikir, êdî dê forma Amedsporê li xwe bike!” Endamê Desteya Rêveber Selman Ergün di merasîma îmzeyê de amade bû.
Piştî veguheztinê, lîstikvan bi gotina ‘Yek Du Sê Bijî Amedspor’ silav li alîgiran kir.
Yohan Cassubie kî ye?
Lîstikvanê fransî dest bi futbolê di akademiya kulüba fransî Chamois Niort de kir. Di sala 2021’ê de ji tîma B ya Niort derbasî tîma sereke bû û piştî du salan bi 400 hezar Euro derbasî G. Bordeaux bû. Lîstikvan ku salek li vê tîmê lîst, niha dê ji bo ‘Armanca Lîga Super’ a Amedsporê xwêdanê birjîne.
Lîstikvanê navîna qadê ku nirxa wî ya bazarê 400 hezar Euro ye, di kariyera xwe ya kulübî de di 80 maçan de lîst û 3 gol û 6 alîkarî kirin.
Amedspor bi qetîbûna vê veguheztinê, di vê sezonê de bi tevahî 9 veguheztinên nû pêk anî. Kulüb bi anîna Ersun Yanal wek teknîkî rêveber, armanca xwe ya sezona nû wek derketina ligê ya jorîn diyar kiribû.”
